Indian Reform League
Indian Reform League 1924 me Fiji me bana rahaa, jab Suva ke Y.M.C.A. Indian logan ke bhitar na leke kharij karis. Iske sthapak rahaa A.W. McMillan, je New Zealand ke Y.M.C.A. se rahaa, aur padhe-likhe Indian log aur Government ke clerk aur interpreter jaise ki M. S. Buksh, S. S. Chowla, John F. Grant, Ilahi Ramzan, aur Ram Narayan Deoki isme sammilit rahaa. Iska uddeshya rahaa samajik seva karna aur samajik sudhar ke khatir dabaw daalna, jaise shaadi ke kanoon me badlav. Kyonki adhikansh sadasya Indian Christian rahaa, ii jaldi ek sampradayik roop le lewa.
Ii 1925 ke typhoid ke mahaamari me seva ke roop me volunteer nurse bhi de rahaa. Iske ek mahila shakha bhi rahaa jiske naam rahaa Stri Sewa Sabha (Mahila Sewa Sangh), jo 1934 me banaa aur Fiji ke Indian mahila log ke beech samajik kaam karis. League, khel me bhag lewa ke protsaahit karis, jaise cricket, football, hockey, aur lawn tennis. Disambar 1927 me, ii Albert Park me school ke football competition bhi karwais. Is pratyogita ke safalta ke baad, 22 January 1928 ke ek meeting me Football Association committee banawa gais, aur pahila pratyogita 26 May 1928 ke Marist Brothers High School ke maidan me bhais. 1936 me, ii association ke naam badal ke Suva Football Association rakhal gais, aur ii Fiji Indian Football Association banaye waala mool sangathan me se ek rahaa.
Indian Reform League, jekar aadhar Indian Christian log rahaa, ek aur sangh ke sath virodh me aa gais, jekar aarop rahaa ki League Indian logan ke apna sanskriti chhor ke European reeti-rivaaz apnawe ke badhava de rahaa. Baad me, Fiji ke local Fijian log football par kabja le lewa ke baad, League khatam ho gais.
References
[badlo | source ke badlo]- Gillion, Kenneth (1977). The Fiji Indians: Challenge to European Dominance 1920-1946. Australian National University Press. ISBN 0-7081-1291-9.