Galápagos Islands

Galápagos Islands
	Ek Galapagos sea lion, San Cristóbal Island pe
Geography
Location	Pacific Ocean
Coordinates	0°30′S 90°30′W / 0.500°S 90.500°W
Total islands	127
Major islands	18
Area
Highest elevation	1,707 m (5600 ft)
Highest point	Volcán Wolf
Administration
	Ecuador
Province	Galápagos
Capital city	Puerto Baquerizo Moreno
Demographics
Population	33,042 (2020)
Pop. density	3/km2 (8/sq mi)
Additional information
Time zone	GALT (UTC-6);

Galápagos Islands, eastern Pacific Ocean ke ek volcanic islands ke archipelago hae , jon equator pe hae, 900 km (560 mi) South America ke west me. Ii sab island South America ke Galápagos Province hae, jiske abaadi 33,000 (2020) se kuchh jaada hae. Ii province ke cantons me baata gais hae, jon hae; San Cristóbal, Santa Cruz, aur Isabela, jon ii province ke sab se jaada abaadi waala island hae. Galápagos uu jaanwar khaatid mashuur hae jiske dunia me aur koi jagha nai paawa jaae hae, jiske 1830s me Charles Darwin adhyan kar ke theory of evolution ke inspire karis. Ii sab island ke Ecuador ke Galápagos National Park aur Marine Reserve protect kare hae.

Abhi talak koi sabuut nai hae ki Polynesian log, nai to South America ke natives ii islands me aae rahin jabtak 1535 me iske by accident Bishop Tomás de Berlanga paais rahaa. Agar koi settlers pahile aae bhi rahaa hoe, piye waala paani ke kami ke kaaran hain pe settlement bahut hard rahaa. Spanish Empire bhi ii island me koi interest nai liis, lekin kuch pirate logan ii islands ke base banae ke Spain ke shipping ke raid karat rahin. Hian pe introduce karaa gais bakrri, aur chuuhaa ke kaaran, island ke ecosystem ke kuchh island pe barbaadi bhais hae. British sailors jaada kar ke ii jagha ke explore kar ke map banae rahin. Jab Darwin ii island pe aais eahaa tab uu ek British expedition ke hissa rahaa, jon South America ke coast ke explore karaat rahaa. Ecuador, jon Spain se independent hoe gais rahaa 12 February 1832 me ii island ke claim kar ke occupy kar liss rahaa,^[2] dhire dhire island ke English naam ke badal ke Spanish naam diis. United States ii island me e1930s me ek military base banais rahaa, Panama Canal ke protect kare ke khaatir. World War II ke baad ii base Ecuador ke de dewa gais rahaa. Tourism ke kaara ii island ke airport ke 2010s me mordenise karaa gais rahaa, jisme recycled materials ke kaam me laawa gais rahaa aur renewable energy ke kaam me laae ke hian ke 300,000 visitors ke serve karaa jaae hae.

↑ "Welcome to Ecuador – Geography | Ministry of Foreign Affairs and Human Mobility" (in Spanish). 2015-05-01. Archived from the original on 1 May 2015. Retrieved 2023-11-14. Invalid |url-status=deviated (help)
↑ "History of Galápagos", Official site, Puerto Ayora: Galápagos Conservancy, 2023.

[1] "Welcome to Ecuador – Geography | Ministry of Foreign Affairs and Human Mobility" (in Spanish). 2015-05-01. Archived from the original on 1 May 2015. Retrieved 2023-11-14. Invalid |url-status=deviated (help)

[galhis-2] "History of Galápagos", Official site, Puerto Ayora: Galápagos Conservancy, 2023.

[1]

[2]