Ethiopia ke itihaas

Leaping Ibex, jiske northern Ethiopia me paawa gais rahaa, jiske saait first century BC me banaawa gais rahaa

Ethiopia, ke Africa ke sab se puraana des me se ek hae. Ethiopian civilization hajaaro saal pahile suruu bhais rahaa. Abyssinia, nai to "Ze Etiyopia" pe Semitic Abyssinians (Habesha) raaj karat rahin, jon jaada kar ke Amhara, Tigrayans aur Cushitic, Oromo aur Agaw rahin. Ethiopian highlands ke eastern escarpment aur lowlands dher Muslim groups ke ghar rahaa jon Ifat aur Adal sultanates jaise Argobba, Afars, Harari/Harla aur Somalis ke banae rahin. Central aur south me puraana Sidama, Semitic Gurage aur Omotic Wolaita rahin, aur log ke saathe. Ii jagha pe pahila kingdom jon taagat me aais rahaa, kingdom of Damot, 10th century BC me rahaa, jon aapan capital Yeha me banae rahin. Pahila century AD me, Aksumite Kingdom taagat me aais, Tigray ilaaka me, jiske capital Aksum rahaa jon barr ke Red Sea ke ek khaas taagat banaa rahaa, South Arabia aur Meroe aur iske paas ke ilaaka ke aapan niche kare ke baad. Chauthaa century ke suruu me, Ezana ke raaj ke time, Christianity des ke dharam banaa lekin kuchh saal baad Aksumite empire niche gire lagaa jab Islam Arabian peninsula me aage barrhaa, jon dhire-dhire taagat ke Christian Aksum se le liis., March 2021 Ant me ii puura isolated hoe gais, iske economy niche giraa aur Aksum ke commercial domination ii ilaaka me khalaa hoe gais rahaa. Aksumites ke baad Zagwe dynasty aais, jon ek nawaa capital ke Lalibela me banain, jiske baad Solomonic dynasty 13th century me suruu bhais rahaa. Solomonic jamaana ke suruu me, Ethiopia aapan fauj ke badlis aur aapan ilaaka ke barrhais , jiske kaaran ii Horn of Africa ke dominate karis rahaa.