Doris Day
Doris Day | |
|---|---|
 Day ek publicity portrait me | |
| Janam | Doris Mary Kappelhoff April 3, 1922 Cincinnati, Ohio, U.S. |
| Maut | May 13, 2019 (aged 97) Carmel Valley, California, U.S. |
| Kaams |
|
| Sakriya warsh | 1937–2012 |
| Jivan Saathis |
|
| Larrkan | Terry Melcher |
| Website | dorisday.com |
| Signature | |
 | |
Doris Day (janam Doris Mary Kappelhoff; 3 April 1922 – 13 May 2019) ek American actress aur gaayak rahii. Uu aapan career ek big band gaayak se, 1937 me suruu karis rahaa, aur 1945 me commercial success achieve karis jab uu dui No. 1 recordings, "Sentimental Journey" aur "My Dreams Are Getting Better All the Time" , Les Brown and His Band of Renown ke saathe record karis. Iske baad uu Brown ke chhorr ke ek solo career ke suruu karis aur 1947 se 1967 talak 650 gaana ke record karis.
1950s aur 1960s me, Day Hollywood ke ek leading film star rahii. Uske film career Romance on the High Seas (1948) se suruu bhais rahaa. Uu dher genres ke film me act karis rahaa, jisme musicals, comedies, dramas aur thrillers rahaa. Uu title role Calamity Jane (1953) me kare rahii aur Alfred Hitchcock ke The Man Who Knew Too Much (1956) with James Stewart me star kare rahii. Uu Rock Hudson ke saathe tiin successful comedies me star kare rahii; Pillow Talk (1959), jiske khaatir uske Academy Award for Best Actress ke khaatir nominate karaa gais rahaa, Lover Come Back (1961) aur Send Me No Flowers (1964). Uu James Garner ke saathe bhi kaam karis duuno Move Over, Darling (1963) aur The Thrill of It All (1963) me, aur Clark Gable, Cary Grant, James Cagney, David Niven, Ginger Rogers, Jack Lemmon, Ronald Reagan, Rex Harrison, Myrna Loy, aur Rod Taylor ke saathe dher film me. 1968 me uu aapan career ke khalaas kar ke aapan television sitcom The Doris Day Show (1968–1973) me star kare rahii.
1989 me Day ke Golden Globe aur Cecil B. DeMille Award for Lifetime Achievement in Motion Pictures dewa gais rahaa. 2004 me uske Presidential Medal of Freedom milaa. 2008 me uske Grammy Lifetime Achievement Award aur ek Legend Award Society of Singers se milaa. 2011 me uske Los Angeles Film Critics Association's Career Achievement Award mila. 2011 me Day aapan 29th studio album, My Heart ke nikaalis, jisme nawaa chij rahaa aur ii ek UK Top 10 album ban gais rahaa. As of 2020[update], uu aath recording artists me se ek hae jon top box-office earner in the United States chaar dafe rahis hae.[1][2]
- ↑ "Doris Day". Biography in Context. Detroit, MI: Gale. 2013. Retrieved January 15, 2016.
- ↑ Hotchner, A.E. (1976). Doris Day: Her Own Story. New York: William Morrow and Company, Inc.. ISBN 978-0-688-02968-5.