Cyd Charisse
Cyd Charisse | |
|---|---|
.jpg) Charisse in 1949 | |
| Janam | Tula Ellice Finklea March 8, 1922 |
| Maut | June 17, 2008 (aged 86) Los Angeles, California, U.S. |
| Resting place | Hillside Memorial Park Cemetery |
| Anya Naam | Lily Norwood Felia Siderova Maria Istomina |
| Kaams |
|
| Sakriya warsh | 1939–2008 |
| Jivan Saathis |
|
| Larrkan | 2 |
| Sambandhi | Nana Visitor (niece) |
Cyd Charisse (janam Tula Ellice Finklea; 8 March 1922 – 17 June 2008)[1][2] ek American nachaniyaa aur actress rahii.
Bajpan me polio ke bemaari se bach ke uu ballet study karis, aur 1940s me film acting suruu karis. Uske roles jaada kar ke uske naache ke ability ke dekhaawat rahaa, aaur uu jaada kar ke Fred Astaire nai to Gene Kelly ke saathe act karat rahii. Uske film me rahaa Singin' in the Rain (1952), The Band Wagon (1953), Brigadoon (1954), aur Silk Stockings (1957). 1950s me uu film me naache ke band kar diis, lekin film aur television me act karte rahis. 1991 me uu Broadway me kaam suruu karis.[3] Baad ke zindagi me uu Holywood musicals ke itihaas ke documentaries me discuss karis aur 1994 me That's Entertainment! III me rahii. 2006 me uske National Medal of the Arts and Humanities dewa gais rahaa.
Bajpan ke din
[badlo | source ke badlo]Cyd Charisse ke janam ke naam Tula Ellice Finklea rahaa aur uu Amarillo, Texas me paida bhae rahii, uske maiyaa ke naam Lela (née Norwood) aur pitaji Ernest Enos Finklea Sr. rahaa, jon ek sonaar rahaa.[4] Uske nickname "Sid" uske barraa bhaiyaa Ernest E. Finklea Jr., jon "Sis" bole maangat rahaa.[5] Iske baad me Arthur Freed "Cyd" ke spelling diis rahaa .[6]
Uu benaria larrki rahii jon chhe saal ke umar me nache sikhe lage rahii aapn taagat ke barrhaawe ke khaatir polio ke bemaari ke baad. 12 saal ke umar me uu Los Angeles me ballet parrhe rahii , Adolph Bolm aur Bronislava Nijinska ke saathe, aur 14 saal ke umar me, Ballet Russe de Monte-Carlo me as "Felia Siderova" naache rahii[7][8] aur baad me , as "Maria Istomina".[8] Uske parrhai Hollywood Professional School me bhais rahaa.[9]
Ek European tour me uu Nico Charisse, ek young dancer ke milis jiske saathe uu Los Angeles me parrhis rahaa. Uu log 1939 me , Paris me saadi karis aur unke ek larrka, Nicky bhais.[5]
- ↑ Ronald Bergan (2008-06-18). "Obituary: Cyd Charisse". The Guardian. Retrieved June 29, 2021.
- ↑ "Cyd C. Martin". Social Security Death Index. New England Historic Genealogical Society. Retrieved March 9, 2011.
- ↑ "Cyd Charisse – Broadway Cast & Staff | IBDB". IBDB. Retrieved 2021-10-20.
- ↑ Profile, The New York Times; accessed November 4, 2014.
- 1 2 "Cyd Charisse dies in LA at 86";accessed April 11, 2021.
- ↑ Marmar (2014-06-12), Cyd Charisse Interview, retrieved 2016-02-15
- ↑ Wollen, Peter (1992). Singin' in the Rain. London: British Film Institute. p. 42. ISBN 0-85170-351-8.
- 1 2 Missiaen, Jean-Claude (1978). Cyd Charisse, du ballet classique à la comédie musicale. Paris: Henri Veyrier. p. 38. ISBN 2-85199-186-8.
- ↑ John Willis, ed. (1969). Screen World. 20. Crown Publishers. p. 221. ISBN 9780819603104. https://books.google.com/books?id=k1LnvFcRzfQC&dq=%22Hollywood+Professional+School%22+%22Linda%22&pg=PA221.