Chaal-chalan

Chaal-chalan ke dui matlab hoe sake hae. Sahaj me me iske matlab hae uu koi chij jon ki perr nai to janwar kare hae. Chaal-chalan hos (conscious) me nai to behos me hoe sake hae. Ii inherited nait to sikha jaae sake hae. Ii sabd ke koi ek pranali (system) aur masiin, jon waatawaran se interact kare hae, ke khaatir bhi kaam me laawa jaawe hae. Ii sabd achchhaa se defined nai hae.

Tajarba (experiment) me chaal-chalan dekha jaawe waala reaction hae jab ek jiu ke uksaawa jaawe hae. Kuch jiu, duusra se aur jaada complicated rahe hae aur aapan aas-paas ke baare me jaad akhayal rakkhe hae. Sab koi ke chaal-chalan hos me rahe hae tab uu jaane hae ki kon chij hoe hae. Behos chaal-chalan ke jiu ke ii pataa nai hoe hai ki konchi hoe hae.

Insaan, bina soche, aapan haanth ke pichhe khiich le agar uu mistake se koi garam chij ke chhui le hae. Iske kaaran hae ki hamlog (aur duusra jaanwar) ek nervous system ke inherit karis hae, jisme hamlog ke reflexes uu chij se duur kare hae jisse koi piirra hoe sake hae.

Chaal-chalan, nervous system ke saathe endocrine system se jurraa hae. Jan nervous system react kare hae aur jaane hae ki kon chij hoe hae, hormone system aur dhire kaam kare hae. Isse kuchh rakam ke chaal-chalan jaada nai to kamti hoe sake hae. Jaise chaal-chalan badle hae jab ek bachchaa barraa hoe ke admii.aurat ban jaawe hae. Isme dher rakam ke hormone rahe hae jon barrhai aur chaal-chalan pe asar kare hae.

Chaal-chalan, sikchhaa se jurraa nai hae. Jon jiu jaada jatil (complicated) hae uu aur achchhaa se sikhe hae kamti jatil jiu ke milan me. Lekin ekdan sadhaaran jaanwar habituation dekhae hae jon ek puraana rakam ke sikchhaa hae. Jiu ke khaatir sikchhaa ke matlab hae ki uu aapan chal-chalan ke badle hae, kaaheki uu ii situation ke pahile dekis hae aur jaane hae ki ab konchi kare ke chaahi.

Log jaada kar ke "chaal-chalan" sabd ke ii rakam se itimaal kare hae, ki log ek duusre se kaise interact kare hae. Larrkan ke ii sikhaawa jaawe hae ki achchhaa chaal-chalan aur kharaan chaal-chalan kon chij hae. Achchhaa chaal-chalan me benamr (polite) sahaa jaawa jaawe hae aur duusre ke baare me sochaa jaawe hae. Ii uu rakam ke chaal-chalan hae jiske samaj maange hae.