Barbara Stanwyck
Barbara Stanwyck | |
|---|---|
 Stanwyck, 1939 me | |
| Janam | Ruby Catherine Stevens July 16, 1907 |
| Maut | January 20, 1990 (aged 82) Santa Monica, California, U.S. |
| Kaams |
|
| Sakriya warsh | 1923–1986 |
| Jivan Saathis |
|
| Larrkan | 1 |
Barbara Stanwyck (/ˈstænwɪk/; janam Ruby Catherine Stevens; 16 July 1907 – 29 January 1990) ek American actress aur dancer rahii. Uu ek stage, film, aur television star rahii, aapan 60-year ke professional career me. Stanwyck ke uske tagrraa , aslii screen presence aur versatility ke khaatir jaana jaae hae. Uu directors ke favorite rahii, jisme Cecil B. DeMille, Fritz Lang, aur Frank Capra rahaa, aur 38 saal me 86 films ke banae rahii, jiske baad uu television me kaam kare lagii. Uske dher accolades milaa, jisme tiin Primetime Emmy Awards, ek Golden Globe Award, aur uske chaar Academy Awards ke khaatir nominate karaa gais rahaa.
Uske maiyaa-bappa mar gay rahin jab uu chaar saal ke rahii, aur uske foster homes me paala gais rahaa. Uske ek director, Jacques Tourneur, uske baare me batais hae ki, "She only lives for two things, and both of them are work."[1] Uu stage pe pahila dafe kaam karis chorus me as a Ziegfeld girl, 1923 me, 16 saal ke umar me, aur kuchh saal me plays me act kare lage rahii. Uske pahila lead role, rahaa hit Burlesque (1927) me, jisse uu ek Broadway star establish hoe gais rahaa. 1929 me, uu stage se film industry me chal de rahii, aur talking pictures me act kare lage rahii. Frank Capra, Stanwyck ke romantic drama Ladies of Leisure (1930) ke khaatir chune rahii, aur baad me Stanwyck Capra ke favorite hoe gaie rahii, aur uske khaatir tiin aur film me kaam kare rahii. Iske kaaran uske aur leading roles mila, jisse uske demand aur barrhaa , jaise Night Nurse (1931), Baby Face (1933), the controversial The Bitter Tea of General Yen (1933), aur Gambling Lady (1934).
Late 1930s talak, Stanwyck aur mature role ke acting kare lage rahii critically aur commercially successful comedies aur dramas me. Uske performance Stella Dallas (1937) ke khaatir, uske pahila Academy Award nomination Best Actress khaatir milaa. 1941 me, uu dui screwball comedies: Ball of Fire Gary Cooper ke saathe, aur The Lady Eve Henry Fonda ke saathe act kare rahii. Uske duusra Academy Award nomination Ball of Fire ke khaatir milaa, aur iske dher saal ke baad bhi The Lady Eve ke ek comedic classic maana jaae hae, jisme Stanwyck ke acting ke American comedy me sab se achchhaa maana jaae hae.[2] Ii jamaana ke aur safal films rahin Remember the Night (1940), Meet John Doe (1940) aur You Belong to Me (1941), Cooper aur Fonda ke saathe, The Gay Sisters (1942), aur Lady of Burlesque (1943) me.