Anu Aga
Anu Aga (janam 3 August 1942) ek Indian billionaire businesswoman aur social worker hai jon Thermax, ek energy aur environment engineering business, ke chairperson ke roop mein 1996 se 2004 tak chalaais. Uu aath sab se dhani Indian auraton mein se ek rahii, aur 2007 mein Forbes magazine ke mutabik net worth ke hisab se 40 sab se dhani Indians mein se ek rahii. Uu ke ALL Ladies League, ASSOCHAM ke all ladies wing, dwara Mumbai Women of the Decade Achievers Award se sammaanit kiya gayaa.
Thermax se retire hone ke baad, uu social work karne lagii, aur 2010 mein uu ke Government of India dwara Social Work ke liye Padma Shri se sammaanit kiya gayaa. Uu abhi Teach For India ke Chairperson hai. Uu ke 26 April 2012 ko President Pratibha Patil dwara Rajya Sabha, Indian Parliament ke Upper House, ke liye nominate kiya gayaa.
Forbes ke India ke 100 sabse dhani tycoons ke list ke anusar, date OCTOBER 09, 2024, Anu Aga $4.7 Billion ke net worth ke saath 67th rank pe hai.
Early Life and Education (Bachpan ke Din aur Padhai-Likhai)
[badlo | source ke badlo]Anu Aga ke janam 3 August 1942 ko Bombay mein ek Parsi Zoroastrian family mein hua rahaa.
Uu St Xavier's College, Mumbai se economics mein B.A. aur Tata Institute of Social Sciences (TISS), Mumbai se medical aur psychiatric social work mein post graduation ki degree hasil karis. Uu Fulbright Scholar bhi rahii rahii aur chaar mahina ke liye United States mein padhai karis.
Personal Life (Niji Zindagi)
[badlo | source ke badlo]Anu ke shadi Rohinton Aga se hui rahii, jon Harvard Business School ke graduate rahaa aur uu se ek beti, Meher, aur ek beta, Kurush, hua. Rohinton ke maut 1996 mein ek bhari stroke se ho gais, aur thoda ek saal se jaadaa baad, uu ke beta Kurush 25 saal ke umar mein gujar gais. Aaj, Arnavaz 'Anu' Aga Pune, Maharashtra mein rahat hai.
Uu ke beti, Meher Pudumjee abhi Thermax ke Chairperson hai, jon 2004 mein uu ke maa se charge liya. Uu Imperial College of Science and Technology, London se chemical engineering mein post-graduate hai aur September 1990 mein Thermax join karis, aur Confederation of Indian Industry's (CII) Family Business Forum aur Young Indians (YI) ke bhi member hai.