Surjeet Singh

Surjeet Singh, Fiji ke ek chess ke khilarri aur teacher ahaa, jon ki Fiji me chess khatir baut kaam karis hae. Uu 1974 me University of the South Pacific ke chess club ke fir se surru karis rahaa. 1979 me uu Fiji Chess Federation ke suruu kare waala ek member aur 1989 talak Federation ke excutive me dher post, jisme dui saal talak President bhi rahaa, pe rahaa.

Singh, Fiji ke larrkan log khatir chess ke classes ke organise karis aur newspaper me bhi chess ke promote karis. Bahut din talak uu Fiji Times aur Fiji Sun newspaper me weekly article likhat rahaa. Singh ke Presidency ke niche chess club Fiji ke duusra town me bhi suruu karaaa gais.

Singh ek achchha chess player bhi rahaa aur bahut din talak Fiji ke number 1 player rahaa. 1986 aur 1988 me uu Fiji ke Chess Olympiad me represent karis, jisme uu board 1 plyer rahaa.