Surendra Prasad

Wikipedia se
Surendra Prasad
Surendra Prasad
Surendra Prasad
JanamNatabua, Lautoka, Fiji
GharSydney Australia
JaatiHindustani
CitizenAustralian
ParrhaiL.L.B
Parrhai ke jaghaVictoria University, Wellington, New Zealand
Kaamwakiil, politician
Home townlautoka
Jaana jaawe haePolitician, Arya Samaj ke President
DharamHindu (Arya Samaji)
Mai/BaapPitaji: Sarju Prasad
Aaja: Ram Ugra
AwardsArya Ratna

Surendra Prasad, Fiji ke ek wakiil, kisan ke neta aur House of Representatives ke member rahaa. Uu Fiji me Arya Samaj ke bhi achchha yogdaan diis hae. Uske palwaar suruu se Fiji me Arya Samaj me kaam karis rahaa. Prasad apne Arya Samaj me dher leadership position pe rahis hae aur iske khatir uske "Arya Ratna" dewa gais rahaa. Uu suruu me National Federation Party ke member rahaa aur S. M. Koya ke kattar samarthak rahaa. Uu Fiji ke House of Representaives ke, 1976 me, uu time member banis jab ki R. D. Patel, Koya ke leadership ke virod me aapan seat se resign kar diis rahaa. 1977 ke duusra election me uu Koya ke Dove Faction ke candidate hoe ke kaaran aapan seat se haar gais. Iske baad uu Alliance Party join kar liis aur 1982 ke election me Jai Ram Reddy ke virod me kharraa hoe ke election haar gais. Uu Fiji me Sugar Commission ke member bhi rahaa aur saat saal talak Lautoka me ek magistrate bhi rahaa. Abhi uu Sydney, Australia me Arya Samaj ke neta hae.

Jawani ke din[badlo | source ke badlo]

Prasad ke janam Natabua, Lautoka me bhias rahaa. Uu 1964 me Victoria University, Wellington, New Zealand se wakiili ke parrhae khalaas karis. Iske baad uu Lautoka me 22 sal talak wakiili karis.[1]

Election me pahila jiit[badlo | source ke badlo]

Prasad uu time jaana maana bhais jab ki 1986 me ek by-election me National Federation Party ke taraf se kharraa bhais rahaa. Ii seat uu time khaali bhais jab ki R. D. Patel (A. D. Patel ke bhaeya), House of Representatives ke Speaker aur aapan seat se resign kar diis kahe ki uu party ke leader, S. M. Koya, ke leadership style se khushi nai rahaa. Ii by-lection me, jon ki Ba Indian Communal Constituency khatir rahaa, R. D. Patel fir se ek independent candidate se kharraa bhais aur Alliance Party koi candidate nai kharraa karis, lekin fir bhi Prasad, jon ki Lautoka ke rahaa aur Ba me bahut nai jaana jaat rahaa, ke jiit bhais. Ii election, jon ki 20 March 1976 ke bhais rahaa, Koya ke position NFP ke leadership pe aur tagrra kar diis aur uuu logan jon ki 1969 me A.D. Patel ke maut ke baad Koya ke leader banae jaae se khush nai rahin, chup hoe gain.

Baad ke election[badlo | source ke badlo]

April 1977 ke election me, Prasad, sitting member, Alliance Party ke Kishore Govind ke harae ke, North-Central Indian National Constituency ke NFP ke khatir jiit liis. September 1977 ke election me NFP dui faction me split hoe gais rahaa aur Prasad, Dove Faction (Koya ke faction) khatir wahii constituency me kharraa bhais lekin tin candidates me se uske sab se kamtii vote mila. 1982 ke election me, Prasad Alliance Party ke khatir, Lautoka Indian Communal Constituency me kahrraa bhais lekin uske, uu time ke Party leader, Jai ram Reddy 8503 to 2334 se harae diis.[2]

Uu kuchh din talak Lautoka ke mayor bhi rahaa.[1]

Arya Samaj ke yogdaan[badlo | source ke badlo]

Prasad, Fiji ke ek purana Arya Samaj palwaar se aais hae. 1972 me uu Lautoka ke Padit Vishnu Deo Memorial College ke founding Chaerman aur Manager banaa. 1979 se 1980 talak uu Srya Pratinidhi Sabha of Fiji ke General Secretary rahaa aur 1980 se 1983 aur 1987 se 1996 talak National President rahaa. Uske yogdaan khatir uske Arya Ratna banawa gais.[3]

Baad ke jindagi[badlo | source ke badlo]

Prasad 1982 se 1987 talak Fiji Sugar Commission ke member bhi rahaa.[4] Politics se retire oe ke baad uu saat saal talak Lautoka ke magistrate bhi rahaa.[1] Abhi uu Sydney, Australia me rahe hae jahaan pe uu Arya Pratinidhi Sabha of Australia ke President hae.

References[badlo | source ke badlo]

  1. 1.0 1.1 1.2 A tribute to the girmityas, Girmit Divas Magazine, National Farmers Union, 2004
  2. A debate about history, Kamal Iyer, Fiji Times, 17 November 2008
  3. Arya Samaj Fiji: 100th Anniversary magazine, Aya Pratinidhi sabha of Fiji, 2004
  4. Another different view, Fiji Times, 1 November 2008


Fiji ke Hindustani

Leader − Politician (1929-1971) − Politician (1972-1987) − Politician (1992-1998) − Politician (1999-2006) − Politician (2014- ) − Political Activist − Khel kuud − Government Service − Social Service − Education − Dharam − Businessman − Unionist − Writer

Ahmed Ali −  I. P. Bajpai −  S. Basawaiya  −  Ahmed Bhamji −  P. K. Bhindi −  Mahendra Chaudhry −  Krishna Datt −  Noor Dean −  R. S. Gounder −  K. N. Govind −  Fida Hussein −  S. N. Kanhai −  R. I. Kapadia −  S. M. Koya −  Anirudh Kuver −  K. R. Latchan −  H. M. Lodhia −  Shiromaniam Madhavan −  Navin Maharaj −  Eqbal Mohammed −  S. Nand −  Satendra Nandan −  Irene Jai Narayan −  Vijaya Parmanandam Harilal Manilal Patel −  R. D. Patel −  Navin Patel −  Vinod Patel −  Vinubhai Patel −  Samresan Pillay −  Surendra Prasad −  Balwant Singh Rakha −  B. R. Rambisheswar  −  Shree Ramlu −  K. C. Ramrakha −  Mohammed Ramzan −  Narsi Raniga −  Jai Ram Reddy −  Nitya Nand Reddy −  K. N. Rao −  Mohammed Sadiq −  Rishi Shankar −  Harish Sharma −  Vivekanand Sharma −  Jai Raj Singh −  James Shankar Singh −  Kalu Karan Singh −  Kuar Battan Singh −  Davendra Singh −  Santa Singh −  Sarvan Singh −  Uday Singh −  Vijay Singh (Sir) −  Govind Swamy −  M. C. Vinod