Sharpe, Fletcher & Company (Navua) Mill

Wikipedia se

Sharpe, Fletcher & Company (Navua) Mill ek ganna ke pere waala mill rahaa, jiske 1884 me Fiji ke Navua Naddi ke east me naddi ke muh se dui mile uppar banawa gais rahaa. Ii jagha jon ki Navua Town aur samundar ke biich me rahaa ke Vuni Noko Noko ke naam se jaana jaawe hae.

Itihaas[badlo | source ke badlo]

Sharpe, Fletcher & Company ek 1400 bigha ke jamiin ke Vuninokonoko me Navua delta me kharidis aur ganna boe ke suruu karis. April 1883 me ek mill ke banae ke suruu karaa gais. Chaar aur adha mile ke ek, dui-foot gauge waala pakki ke bichhawa gais. Ganna ke khiiche ke khatir ek ingin ke kharida gais aur naddi ke uu paar se ganna ke laae ke khatir ek wharf banawa gais.

19 December 1884 ke ii ganna ke pere ke suruu karis. Suruu se ii mill bawaal me rahaaa. Mill ke khule ke kuchh din baad bagal ke ek parrosi planter mil ke deri me ganna le ke khatir mukadma karis. Union Bank of Australia, karjaa nai bhare kaaran, Company ke pakrre ke kosis karis. Mill, estate aur sab pkki ke 1984 me bech dewa gais.. Ingin ke baad me Labasa mill me kaam me lawa gais.

Aur dekho[badlo | source ke badlo]

Bahaari jorr[badlo | source ke badlo]

Granth suchi[badlo | source ke badlo]

  • Dyer, Peter; Peter Hodge (1988). Cane Train: The Sugar-cane Railways of Fiji. Wellington, New Zealand: New Zealand Railway and Locomotive Society. pp. 12,13. ISBN 0-908573-50-2.

References[badlo | source ke badlo]