People's Republic of China

Wikipedia se

中华人民共和国 Zhōnghuá Rénmín Gònghéguó People's Republic of China
Jhanda Coat of arms
Des ke jaankari
Des ke motto:	(none)
National anthem:	March of the Volunteers
Log ke baare me
Official bhasa:	Chinese bhasa Mandarin - official baat kare waala bhasa hai uu jagah ke chhorr ke jahan pe Cantonese, English nai to Portuguese official bhasa hai (jaise ki Hong Kong aur Macao).
Population:
- Total:	1,306,314,812 (ranked 1)
- Density:	140/km² per km²
Jagah
Hian pe des ke dunia ke map me dekhawa jaawe hai.
Capital City:	Beijing
Sab se barraa City:	Shanghai
Area
- Total:	9,596,960 km² (ranked 3)
- Water:	not available km² (2.18%%)
Politics / Government
Established:	1 October (1949)
Leader:	President Hu Jintao Premier Wen Jiabao
Economy / Money
Paisa ke naam:	Renminbi (RMB¥.) Hong Kong Dollar (HKD$.) and Macau Pataca (MOP)
International information
Time ke zone:	+08:00
Telephone ke dialing code:	86 (With the exception of Hong Kong(852) and Macau(853))
Internet domain:	.cn / .hk /.mo

The People's Republic of China (Chinese bhasa: Simplified Chinese: 中华人民共和国, Traditional Chinese:中華人民共和國), eastern Asia me, ek communist des hai. China ke north me Mongolia aur Russia ke Siberia hai, south me Vietnam, Laos, Myanmar Bhutan aur Nepal aur west me Khazakistan hai. Iske east me South China Sea hai jiske uu paar Taiwan, Korea, aur Japan hai.

Iske Communist Party of China, 1 October 1949 ke banais rahaa. Iske population dunia ke des me se sab se jaada hai. (1.3 billion log se jaada).

Iske capital Beijing hai, lekin Shanghai sab se barraa city hai. 1997 me United Kingdom, Hong Kong ke control aur 1999 me Portugal, Macao ke control China ke lautae diis. Ii duuno city kuch self-governing hai jab ki central government defense aur foreign affairs ke pachaas saal talak control karii. Taiwan ke Island ke People's Republic of China claim kare hai lekin uske paas ii island ke control nai hai. Taiwan, abhi ek democratic des hai jiske officially Republic of China (Taiwan) bolaa jaawe hai..

vishay suchi 1 Itihaas 2 Jagah 3 People and Culture 4 Chapa ke gallery

[badlo] Itihaas

China ke civilization, second millennium B.C.E. se hai jab ki ii ek feudal society rahaa. Iske land area abhi ke China ke rakam dekhe me rahaa, western aur northen konaa ke chorr ke jon ke badalte rahat rahaa. Ispe Mongolian log jaise Genghis Khan aur Kublai Khan larrai karte rahin. Jab ki china first millennium C.E. aur second millennium C.E. ke suruu me bahut kuch achieve karis, ii 15th century C.E. me ek isolationaist des hoe gais.

Renaissance ke time talak Europe ke des Asia ke des ke colony banae lagis. Jab ki China ke puura koi des nai le paais rahaa, dher Europe ke des, jisme Britain main des rahaa, China me aapan influence barrhain. Kahe ki China apne aap ke dunia ke aur des se duur rakhis rahaa, uu technology me pichhe parr gais rahaa aur British log ke roke nai paais. Ii uu time clear bhais jab 19th century me Opium Wars me Britain China ke harrais.

1911 me monarchy ke Sun Yat-sen overthrow kar ke ek Nationalist government suruu karis. Dhire dhire Marxist philosophies faela. 1927 me Chiang Kai-shek ke niche Nationalist aur Mao Zedong ke niche Communist ke biich me larrai suruu hoe gais. 1930s me jab Japan, China ke uppar larrai suruu karis tab Nationalists aur Communists ek hoe ke Japan se larrin. Ii larrai me 10 million se jaada log ke maut hoe gais. World War II ke baad civil war fir se suruu hoe gais

1949 me Communist Red Army jiit gais aur Chiang Kai-shek aur uske Nationalists loag Taiwan bhaag gain. Mao Zedong China ke leader 1976 talak rahaa jab uske maut hoe gais. Ii time me China ke relationship Western World aur Russia se kharaab oe gais. Mao Zedong ke uske Cultural Revolution khatir bhi jaana jae hai jisme dher logke maar dewa gis rahaa. Uske baad Deng Xiaoping leader banaa. 1979 me, overpopulation problem ke kaaran, China, one-child policy laabu karis jon ke ketnaa larrkian paida karaa jaae sake hai ke uppar rok lagais.In August 2008 me China, Summer Olympics ke pahila dafe host karis.

[badlo] Jagah

China, Russia ke baad, Asia ke duusra sab se barraa des hai agar khaali jamin ke dekhaa jaae lekin agar duuno jamiin aur samundar ke jorra jaae hai ta ii dunia ke duusra sab se barraa des hai. China ke border 14 des se hai.

China me dher rakam ke mausam ke jagah hai. East me, Yellow Sea aur East China Sea ke lage jamiin bahut tagrra hai aur hian pe dher rakam ke kheti karaa jaawe hai. Mongolia ke lage grasslands hai. South China me dher pahaarr hai. South-east china Yellow River aur Yangtze River ke delta hai. China ke aur naddi hai; Xi, Mekong, Brahmaputra aur Amur. West me uuncha pahaarr hai jisme se sab se uunch Himalayas hai. Uuncha plateaus me Taklamakan aur Gobi Desert hai

[badlo] People and Culture

China me 56 ethnic groups hai jisme se Han log ke majority. Communist Party of China government ke control kare hai. Mandarin Chinese hain ke main bhasa hai.

[badlo] Chapa ke gallery