Erwin Schrödinger

This person is a Nobel prize winner

Erwin Rudolf Josef Alexander Schrödinger (12 August 1887 Vienna me - [4 January]] 1961 Vienna me ) ek Austrian Physicist rahaa. Uu quantum mechanics ke theory ke suruu kare waala rahaa aur uske 1933 me Nobel Prize in Physics milaa rahaa.

Jindagi

Schrödinger, 1898 se 1906 talak uu ek grammar school me parrhis. Baad me uu Vienna me Mathematics aur Bhautik vigyan (Physics) study karis aur aapna "habilitation" 1910 se likhis.

Uu World War I me Austria]n artillary me ek officer rahaa. Iske baad uu Zürich, Jena, Breslau aur Stuttgart me professor rahaa. 1920 me uu saadi karis. 1927 me uu Berlin ke Frederich Wilhem University me Max Planck ke jagha liis.

Jab Nazis logan power me aae gain tab, Schrödinger Germany chhorr ke got a University of Oxford me professor banaa. 1933 me uske Physics me Nobel Prize milaa. Tiin saal ke baad uu Austria laut ke Graz me professor banaa. 1938 me jab Austria Germany ke niche hoe gais tab uu Austria chhhorr ke Dublin me Director of the School for Theoretical Physics banaa. 1956 me uu Vienna laut ke Professor for Theoretical Physics banaa. 1961 me uske maut tuberculosis se bhais.

Jaruri kaam

Schrödinger's ke sab se khaas kaam wave mechanics me rahaa. Uu quantum mechanics, khaas kar ke Schrödinger equation ke khatir dher kaam karis rahaa. Uu biophysics me bhi kaam karis aur negentropy ke invent karis aur molecular biology ke vistaar me bhi uske haanth rahaa.

Bahaari jorr

• Biography in the Österreichische Zentralbibliothek für Physik (Austrian Central Libary of Physics)
• Original sound from the Austrian Mediathek: Erwin Schrödinger, Was ist Materie?
• Are there quantum jumps? (Schrödingers opinion on quantum physics 1950)