Deuba Sugar Estate Company (Navua) Mill

Deuba Sugar Estate Company (Navua) Mill ek ganna ke pere waala mill rahaa, jiske 1884 me Fiji ke Taunovo Naddi ke east me Debua No. 1 Estate me banawa gais rahaa.

Itihaas

Deuba No. 1 Estate ke Wison Brothers, jon ki Suva anu Levuka, me builder aur timber merchant rahin, kharid ke Deuba Sugar Estate Company suruu kare rahin. Solomon Island se majuur ke laae ke jamiin ke safaa kara gais aur samundar ke bagal waala jamiin ke daldal jamiin ke drain karaa gais. Mill ke khatir machine aur pakki June 1883 me aais. Taunovo Nadi ke muh me ek achchhaa wharf banawa gais rahaa. Wharf se mill talak, jon ki ek aur aadha mile uppar naddi ke est me rahaa, talak pakki bichhawa gais rahaa. Estate me dui aur tukka mile lamba pakki bhi bichhawa gais. Mill khule talak 30 bigha jamiin me ganna taiyar rahaa.

Mill 29 February 1884 ke ganna pere ke suruu karis. 188 ke biich talak Company bankrupt hoe gais. 1889 me estate ke Frase and Company, jon ki u time Fiji me chaar aur mill chalawat ahin, ke bech dewa gais. Chini ke kamti daam ke kaaran 1893 me mill ke band kar dewa gais. Mill ke boile ke wahii laage Penang Mill lae jaawa gais au 1899 talak baaki macine ke bhi Penang bhej dewa gais. Mill ke ek ingin aur sab pakki ke Navua ke Tamanoa Estate ke bech dewa gais.

Aur dekho

• Fiji me chini ke mill

Bahaari jorr

• Google map mill ke jagha dekhawe hae

Granth suchi

• Dyer, Peter; Peter Hodge (1988). Cane Train: The Sugar-cane Railways of Fiji. Wellington, New Zealand: New Zealand Railway and Locomotive Society. pp. 14,15. ISBN 0-908573-50-2.