Bobby Tikaram

Wikipedia se

Bhawar Singh Tikaram, jiske Bobby Tikaram ke naam se jaada jaana jaawe hae, Fiji ke dher khel kuud me aapan yogdaan diis hae. Uu jaada kar ke soccer ke administrato rahaa lekin rugby, hockey, tennis, table tennis, badminton, basketball, boxing, cricket even martial arts me bhi aapan yogdaan diis hae. Bobby, Fiji ke jaana maana Tikaram palwar ke hae aur uu 11 larrkan waala palwar me se sab se chhotta hae. Uske barraa bhaiya logan me hae: Sir Moti Tikaram, Fiji ke pahila ombudsman aur supreme court ke ek judge, Lami ke pahile ke mayor, Fiji Scouts Association ke commissioner, Jerry Tikaram aur Madho Tikaram, jon ki ek politician rahaa.

Bachpan ke din[badlo | source ke badlo]

Bobby ke janam Lami e bhais rahaa, jahan pe abhi Tikaram Park hae. Tikaram palwar pahile ek dukan kholis, lekin baad me transport business me chal diis , jisme ek bus company ((Tikaram’s bus service) aur ek taxi ke business (Golden Arrow Taxis) rahaa. Bobby, Lami me barraa bhais aur Suva Methodist Boys School me parrhis. School me uu etna achchhaa football khelis ki uske teacher uske school ke soccer team ke coach banae diis. Uu aapan High school ke parrhai MGM High School me karis jahan pe uu soccer team ke captain rahaa.

Soccer me yogdaan[badlo | source ke badlo]

FFA ke monogram

1961 me uu kuchh dost ke saathe Lami Soccer Club ke suruu karis rahaa. 1964 me uu Civil Aviation Authority of Fiji me kaam kare lagaa . 1965 me uu Airport soccer club suruu karis aur Nadi ke khatir tiin saal talak bhi khelis. Uu Nadi me socer ke ek nawaa jiwan diis aur Nadi Football Association. ke assistant secretary, secretary, manager, technical adviser aur baad me president bhi rahaa. 1990 me uske niche, Nadi Fiji FA fundraising tournament ke jiitis. 1991 me uu Nadi Soccer Headquarters ke kholis aur Australia se ek coach ke hire karis. Uu Airport Soccer Club ke Australia aur New Zealand ke, aur Nadi ke Tahiti, New Caledonia aur New Zealand ke tour bhi organise karis rahaa. Bobby ke Oceania Championship ke Oceania executive committee me bhi chuna gais rahaa. Bobby, Fiji Football ke Secretary 1972-75 talak rahaa, jisse pahile uu dui saal talak assistant secretary bhi rahaa. Ii time pe (1972 me) uu FFA monogram ke introduce karis rahaa.

Duusra khel me yogdaan[badlo | source ke badlo]

Bobby, Nadi Airport Rugby Club ke vice-president bhi rahaa aur airport ke ground me rugby khela karat rahaa.

1964 me uu Tennis khele ke suruu karis aur Nadi Airport Tennis Club ke revive karis, jisme uu ek player aur manager rahaa. Ii CLub Dominion Lawn Tennis Association se affiliated rahaa, jon ki baad me Fiji Lawn Tennis Association banaa. Uu Jordon me khele waala Fiji Davis Cup ke manager rahaa, aur dher SOuth Pacific Games aur Thaianfd ke Fed Cup me bhi Fiji ke manager rahaa. 2003 me uske South Pacific Games ke tennis ke competition manage rbhi banawa gais rahaa. 2003 me retire hoe se pahile, uu Fiji Lawn Tennis Association ke vice-president bhi rahaa.

Uu Fiji Table Tennis Association ke New Caledonia ke 3rd South Pacific Games ke selector rahaa. Uu Nadi ke table tennis me represent kais rahaa aur dher din talak district president bhi rahaa.

1960s me uu Hockey Association ke revive kais aur uske president bhi rahaa. Uu Nadi Airport Hockey team ke bhi form karis rahaa aur uske player aur President rahaa. Uske sab se important contribution rahaa, Goraa aur Hindustani waala Association ke ek kar ke Nadi Combined Hockey Association ke banae me. Uu Nadi irport ke team ke New Zealand tour e bhi manager raha. Baad me use Fiji Hockey Association ke vice-president bhi banawa gais rahaa.

Uske haanth boxing ke promote kare me bhi rahaa. Uske Nadi Airport Gym me kuch acchha boxer logan train karin rahaa.

Uske martial arts me yogdaan ke khati 1980 me Black Sash aur 1982 me Red sash dewa gais rahaa.

Bobby, Nadi Airport ke Superstars Basketball Club ke founder aur manager rahaa.

Uu Nadi Airport Cricket Club ke revivie karis aur baad me iske manage bhi karis. Uu Rakiraki ke Nanuku Cricket Club ke saathe 1980s aur 1990s me regular game bhi organise karis.

1981 me uske Fiji Sports Council Board me appoint karaa gais rahaa. Uu western division ke ii board me 1983 talak represent . 2000 me uske fir se ii board me apoint karaa gais rahaa.

Awards[badlo | source ke badlo]

1980 me uske Most Outstanding Person of the Year award dewa gais rahaa. Bobby was awarded the 50th anniversary distinguished service award by FASANOC in 2006. For his immense contribution to sports Bobby was awarded the Member of Order of Fiji Award (MF) by the late Ratu Sir Kamisese Mara.

Uske lage chhe larrkan hae, Sanjeev, Shirley, Ranjeev, Sanjana, Alice aur Ruth, aur ii sab sports me aapan naam kamae hae. A senior citizen, he lives in Nasoso in Nadi. We can’t rate him enough but can only say Great Work, Full Marks Bobby

References[badlo | source ke badlo]